Шымкент қаласы мәслихатының 2018 жылғы 14 желтоқсандағы № 42/338-6с шешiмi. Шымкент қаласының Әділет департаментінде 2019 жылғы 11 қаңтарда № 16 болып тіркелді

«Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасының Кодексінің 9-бабының                            1-тармағының 5) тармақшасына сәйкес Шымкент қаласының                       мәслихаты ШЕШІМ ҚАБЫЛДАДЫ:

1. Шымкент қаласында тұратын азаматтардың жекелеген санаттарына амбулаториялық емделу кезінде осы шешімімен бекітілген тізіліміне сәйкес жергілікті бюджет қаражаты есебінен тегін дәрілік заттар қосымша берілсін.
2. Шымкент қаласының мәслихатының аппараты Қазақстан Республикасының заңнамалық актілерінде белгіленген тәртіпте:

1)   осы шешімді аумақтық әділет органында мемлекеттік тіркеуді;

2)   осы шешім мемлекеттік тіркелген күннен бастап күнтізбелік он күн ішінде оның көшірмесін баспа және электронды түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберуді;

3)   осы шешім мемлекеттік тіркелген күннен бастап күнтізбелік он күн ішінде оның көшірмесін ресми жариялау үшін Шымкент қаласында таралатын мерзімді баспасөз басылымдарында жіберуді;

4)   осы шешімді оны ресми жарияланғаннан кейін Шымкент қаласы әкімдігінің интернет-ресурмында орналастыруды қамтамасыз етсін.

3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Шымкент қаласында тұратын азаматтардың жекелеген санаттарына амбулаториялық емделу кезінде жергілікті бюджет қаражаты есебінен тегін қосымша берілетін дәрілік заттар тізілімі