Шымкент қалалық мәслихатының уақытша комиссиясының мүшелері мемлекеттік-жеке меншік әріптестік мәселелері бойынша кеңес өткізді. Отырысқа Әл-Фараби, Абай және Қаратау аудандарының басшылық құрамдары, сондай-ақ экономика және бюджеттік жоспарлау, қаржы басқармасының басшылары қатысты.

Мәслихат депутаттары басшылық құрамға жаңадан қосылған шағын аудандарға, әсіресе, ауыз сумен қамтамасыз ету мәселелерінде тиісті көңіл бөлуді ұсынды. Отырыс барысында аудан әкімдіктеріне нақты тапсырмалар берілді.

Мәжіліс МЖӘ жобасы бойынша, көпқабатты тұрғын үйлердің аулалық аумақтарын абаттандыру, сондай-ақ қала аудандарында балалар ойын алаңдарын орнату бойынша мемлекеттік міндеттемелерді қабылдау туралы мәселелерді талқылаудан басталды.

Барлық сұрақтар бойынша аудан басшылары сметалық құжаттама дайындады. Серіктестік жұмысты жүзеге асыру аясында 2019 жылдың соңына дейін аулаларда сапалы балалар ойын элементтері, ересектерге арналған спорттық тренажерлер мен орындықтар орнатылады. Әкімдердің баяндамаларын мұқият тыңдап, халық қалаулылары құжаттарды бекітуге асықпады. Депутаттар аудандық әкімдіктердің жақсы жұмысын атап өтті, оның ішінде балалар аула алаңдарын орнату бойынша, бірақ олардың сапасы бойынша өз ұсыныстарын айтты.

Қалалық мәслихаттың хатшысы Ғани Ташқараев ең алдымен жергілікті кәсіпкерлерді қолдауға шақырды. Ол балалар алаңын орнатуға тартуды ұсынды. Оның айтуынша, олар өз жұмысына жауапкершілікпен қарайды. Комиссия мүшелері Ерлан Омаров,Гүлнәр Құрманбекова, Хайрулла Сәрсенов өткен жылдары орнатылған ойын алаңдарының сапасын тексеруді тапсырды.

Уақытша комиссия төрағасы, депутат Нұрғазы Бұхарбаев мердігер ұйымдарға өз кезегінде өнімнің сапасына кепілдік беру және кепілдік мерзімін үш жылға дейін ұзарту үшін талаптар қойды. Мәслихат депутаттары Ермек Дәрменов пен Талғат Әмірбеков жауын-шашын кезінде балалардың ойын алаңдарына баруын қамтамасыз ету үшін ландшафт элементтерін орнатуды ұсынды.

Сондай-ақ, жергілікті кәсіпкерлерді Шымкент қаласындағы көпқабатты үйлердің аулаларында футбол алаңдарын салуға тартуды ұсынды. Футбол алаңдарында көгалдар кесілген жағдайлар тіркелді. Егер олар кәсіпкерлер есебінен салынатын болса, онда олар олардың сақталуын бақылай алады.

2019 жылы аулаларды абаттандыруға және балалар ойын алаңдарын орнатуға 6 млрд теңгеден астам қаржы бөлінді.